Sumarnámskeið 2021

Dansskólinn Óskandi stendur fyrir sumarnámskeiðum í júní og júlí. Í boði verða tvenns konar námskeið, dansleikjanámskeið fyrir 7 - 10 ára frá kl. 9 - 16 og nútímadansnámskeið fyrir 10 - 12 ára frá kl. 14 - 17. Nemendur koma í æfingafötum, með vatnsbrúsa og nesti, athugið að hnetur eru ekki leyfðar. 

Dansleikjanámskeið er skemmtilegt námskeið fyrir börn á aldrinum 7 - 10 ára (2011 - 2014). Áherslan er á nútímalistdans og hafa gaman saman í gegnum skapandi leiki og spunaverkefni. Nemendur í dansleikjanámskeiðinu þurfa að koma með útiföt eftir veðri. Pizzuveisla og glaðningur í lok námskeiðsins eru innifalin í verðinu. Nánari dagskrá verður send út nokkrum dögum áður en námskeiðið hefst. 

Nútímadansnámskeið fyrir 10 - 12 ára (2009 - 2011) er skemmtilegt námskeið þar sem áhersla er lögð á skapandi ferli og nemendur fá tækifæri til að skapa eigið dansverk frá grunni undir leiðsögn kennara. Hver tími byrjar á tæknitíma, nútímadanstíma, sem getur gefið nemendum innblástur að skapandi vinnu. Eftir tæknitímann er farið í skapandi vinnu og kennarar gefa nemendum ólík verkfæri til að skapa dans. 

14.júní - 18.júní (frí 17.júní)
7 - 10 ára 
Kl. 9 - 16
Verð: 19.990 kr 

21.júní - 25.júní
10 - 12 ára
Kl. 14 - 17
Verð: 15.990 kr.
(ef skráð í tvö námskeið þá 25.990 kr.)

28. júní - 2.júlí
10 - 12 ára
Kl. 14 - 17
Verð: 15.990 kr.
(ef skráð í tvö námskeið þá 25.990 kr.)

5. júlí - 9. júlí
7 - 10 ára
Kl. 9 - 16
Verð: 24.990 kr.

Ath. námskeið fyrir 3 - 5 ára og 12 - 15 ára verða kennd í Klassíka listdansskólanum. Nánari upplýsingar á https://www.dansgardurinn.is/sumarnamskeid